6) Түркістан музыкалық драма театрында премьера өтті

Түркістан музыкалық драма театрында премьера өтті

  Түркістан музыкалық драма театрының жас әртісі Мұзафар Ғалымжанұлының алғашқы спектаклі «Жалдамалы пәтер» қойылымы көрермендерге жол тартты. Бұл премьера жанды сезім мен терең ойларға негізделген, әрі өзекті тақырыпты қозғайды. Қойылымның сюжеті қоғамдағы көптеген адамның жалдамалы пәтерде күн кешіп, өмірдің ауыртпалықтарын көтеріп жүргенін көрсетуге бағытталған. Тіршіліктің күйбеңімен өмір сүріп, күтпеген жерден тағдырын тапқан қыз бен жігіттің арасындағы байланыс пен махаббат хикаясы – көрерменді ерекше әсерге бөлеуге тиіс.

  Қойылымның басты рөлдерінде Қадыржан Төреханов, Аяжан Жұмабек, Досымжан Арқабеков, Аида Серикова, Темірлан Еркінғалиев және басқа да театрдың талантты әртістері өнер көрсетеді. Қойылымның композиторы Ербол Нариманұлы, ал көркемдік жетекшісі – Мадина Мұратпекова. Спектакльдің авторы әрі режиссері Мұзафар Ғалымжанұлының шығармашылығы көрерменге терең ой салып, өнерге деген құштарлықты ашады.

  «Жалдамалы пәтер» спектаклі тыңдаушыларды өзіндік шығармашылық әлемге енуге, өнердің ұлы күшін сезінуге шақырады. 
Тілші: Кенжебаева Гаухар Жақыпқызы