3) Қазақстан 2025 жылы ардагерлерге төленетін төлемдерді 17 миллиард теңгеге дейін ұлғайтады

Қазақстан 2025 жылы ардагерлерге төленетін төлемдерді 17 миллиард теңгеге дейін ұлғайтады

  2024 жылы Қазақстанда ардагерлерге, оның ішінде Ұлы Отан соғысына қатысушыларға, соғыс ардагерлеріне және тыл еңбеккерлеріне 16,7 млрд теңге көлемінде арнаулы мемлекеттік жәрдемақы төленді. 2025 жылға қарай бұл мақсаттарға 17 млрд теңге бөлінген. Қазіргі уақытта, 2025 жылғы 1 қаңтардағы жағдай бойынша, Қазақстанда 85 203 ардагер тұрады. Бұл санатқа ҰОС ардагерлері, жеңілдіктер бойынша теңестірілген тұлғалар, басқа мемлекеттердің аумағында ұрыс қимылдарына қатысқан ардагерлер мен ҰОС жылдарындағы тыл еңбеккерлері кіреді.

  Әр ардагердің санатына сәйкес арнаулы мемлекеттік жәрдемақы мөлшері белгіленген:

ҰОС ардагерлері үшін 16 АЕК (2025 жылы 62 912 теңге),

ҰОС жеңілдіктері бойынша теңестірілген ардагерлер үшін 7,55 АЕК (27 875 теңге) немесе 6,19 АЕК (24 339 теңге),

Ауғанстандағы ұрыс қимылдарына қатысушылар үшін 6,19 АЕК (24 339 теңге),

Тәжік-Ауған учаскесіндегі ТМД шекарасын қорғаушылар мен Ирактағы бітімгершілер үшін 4,8 АЕК (18 874 теңге),

ҰОС жылдарындағы тыл еңбеккерлері үшін 2,13 АЕК (8 376 теңге).

  Бұл қаржылай көмек ардагерлердің әлеуметтік жағдайын жақсартуға бағытталған және мемлекет тарапынан олардың еңбегі мен ерлігін құрметтеудің бір көрінісі болып табылады. 
Тілші: Кенжебаева Гаухар Жақыпқызы