4) Өзбек компаниясы Түркістан облысында бірнеше кәсіпорын ашады

Өзбек компаниясы Түркістан облысында бірнеше кәсіпорын ашады

  “Global Textile” компаниясы Түркістан облысында мақта-тоқыма кластерін дамыту үшін 21 млрд теңге инвестиция салуды жоспарлап отыр. Жоба аясында бірнеше жаңа кәсіпорындар ашылады, соның ішінде логистикалық орталық, мақта өңдеу зауыты, тоқыма фабрикасы және басқа да өндірістік цехтар іске қосылмақ. Шетелдік серіктестермен ынтымақтастықтың арқасында өндірісте озық швейцариялық технологиялар қолданылатын болады. Сонымен қатар, жергілікті фермерлермен бірлескен жобалар мен инфрақұрылымды дамытуға басымдық беріліп, әкімшілік қолдау көрсетіледі.

  Компания 2024 жылы әкелген “Наманган-77” сортының тұқымдары жақсы нәтиже беріп, мақта өндірісінің өнімділігін арттырады. “Global Textile” кәсіпорны 5000-нан астам адамды жұмыспен қамтып, 2027 жылы толық циклді тоқыма фабрикасын іске қосуды жоспарлап отыр. Бұл жоба өңірдің экономикасына үлкен серпін беріп, Қазақстанның тоқыма саласын дамытуға ықпал ететін болады. 
Тілші: Кенжебаева Гаухар Жақыпқызы