«Мемлекет қателескен адамға екінші мүмкіндік беруі керек пе? Бұл сұрақ әрқашан қоғамда талқыланады.

«Мемлекет қателескен адамға екінші мүмкіндік беруі керек пе? Бұл сұрақ әрқашан қоғамда талқыланады.Бүгінде Қазақстанда амнистия мәселесі қайтадан күн тәртібіне шықты. Амнистия дегеніміз – заң бұзған әр адамды кешіріп жіберу емес. Бұл ең алдымен түзелу жолына түскен, қоғамға үлкен қауіп төндірмейтін азаматтарға берілетін мүмкіндік.

Мемлекет осылайша гуманизм қағидатын сақтай отырып, әділдік принципінен де айнымайды. Өйткені ауыр және аса ауыр қылмыс жасағандарға қатысты жауапкершілік өз күшінде қалады.

Амнистияның негізгі мақсаты – адамға жаңа өмір бастауға мүмкіндік беру, оның отбасына оралып, қоғамға қайта бейімделуіне жағдай жасау. Себебі кейде бір қателік адамның бүкіл тағдырын анықтап қоймауы керек.

Сондықтан амнистияны әлсіздік емес, керісінше, әділдік пен адамгершіліктің арасындағы тепе-теңдікті сақтауға бағытталған қадам деп қарастыруға болады.»