2) 2024 жылы Шымкент қаласында есірткімен күрес бойынша қабылданған шаралар нәтижесінде 157 келіден астам есірткі заты заңсыз айналымнан тәркіленді.

2024 жылы Шымкент қаласында есірткімен күрес бойынша қабылданған шаралар нәтижесінде 157 келіден астам есірткі заты заңсыз айналымнан тәркіленді.

  Шымкент қаласы полиция департаменті «Заң және тәртіп» қағидаты аясында қала аумағында есірткімен байланысты құқықбұзушылықтарды анықтау және олардың жолын кесу бағытында кешенді шаралар қабылдауда. 2024 жылы полицейлер есірткімен байланысты 541 қылмыстық құқықбұзушылықты анықтап, сотқа дейінгі тергеп-тексеру жұмыстарын бастады. Бұл қылмыстардың ішінде 65 жағдай есірткі заттарын өткізу, 13 жағдай аса ірі мөлшерде сақтау, 35 жағдай есірткі өсімдіктерін егу және басқа да құқықбұзушылықтар бар.

  Сонымен қатар, Қазақстан Республикасы Қылмыстық кодексінің 296-бабында көзделген қылмыстық теріс қылық бойынша 410 дерек тіркелген. Қабылданған шаралар нәтижесінде өткен жылы 157 келіден астам есірткі заттары тәркіленді. Олардың ішінде 100 кг 599 грамм марихуана, 17 кг 536 грамм гашиш, 30 кг 622 грамм синтетикалық есірткілер және басқа есірткі түрлері болды.

  Шымкент қаласы Полиция департаменті 2025 жылы да осы бағыттағы жұмыстарды жалғастырып, «Есірткісіз болашақ» қалыптастыру мақсатында аянбай еңбек ететінін мәлімдеді. 
Тілші: Кенжебаева Гаухар Жақыпқызы