Мәәә, Жапония Украина дефолтқа ұшыраған жағдайда ХҚДБ шығынын толығымен жалғыз өзім өтеп беремін деді

ВАШИНГТОН, 30 маусым. Жапония Украина дефолтқа ұшыраған жағдайда, Халықаралық Қайта Құру және Даму Банкінің (ХҚДБ) шығынын, тіпті оның ішінде пайыздық төлемдердіде толығымен өтейді, деп хабарлады Дүниежүзілік банк тобының дирекциясындағы дереккөз. Мә саған деген осы шығар.

Бұған дейін Дүниежүзілік банктің атқарушы директорлар кеңесі Украинаға 1,5 миллиард доллар несие беруді мақұлдаған болатын. Халықаралық ұйым әңгіме жапон үкіметінің кепілдігімен бөлінген қаражат туралы болып отырғанын хабарлады.

«Украина дефолтқа ұшыраған жағдайда Жапония ХҚДБ шығындарын, оның ішінде пайыздық төлемдерді толығымен өтейді», - деді дереккөз.

Бейсенбі күні Украинаның қаржы министрлігі де Киевтің Дүниежүзілік банктің Донорлық сенім қоры арқылы АҚШ пен Финляндиядан 1,215 миллиард доллар жаңа грант алғанын хабарлады.

Бұған дейін Украинаның қаржы министрі Сергей Марченко мемлекеттік бюджет тапшылығы айына 5 миллиард доллар шамасында екенін айтқан. Оның айтуынша, бюджет қаражатының үштен екісі шетелдік несиелер мен гранттар есебінен түссе, бюджет шығыстарының төрттен үш бөлігі әскери қажеттіліктерге тиесілі.

Құдай басқа салмасын,бізге де соншалықты көмек көрсете алатын достарымыз барма екен әлемде? Әй қайдам.

Бахытжан Копбаев