6) Түркістан облысының әкімі ардагерлермен жүздесті

Түркістан облысының әкімі ардагерлермен жүздесті

  Түркістан облысының әкімі Нұралхан Көшеров өңір ардагерлерімен ашық сұхбаттасып, аймақтың дамуы мен өзекті мәселелері бойынша пікір алмасу өткізді. Жиынға зиялы қауым өкілдері мен қоғам қайраткерлері қатысты, олардың қатарында Түркістан облыстық мәслихатының төрағасы Нұралы Әбішов, «Ардагерлер ұйымы» республикалық қоғамдық бірлестігінің Түркістан облыстық филиалының төрағасы Жеңісбек Мәуленқұлов, қоғам қайраткері Серікжан Сейітжанов, әдебиет зерттеушісі Құлбек Ергөбек және басқа да ардагерлер мен қоғамдық ұйым басшылары болды.

  Кездесу барысында аймақ басшысы өңірдің әлеуметтік-экономикалық дамуы туралы баяндап, ел ағаларының пікірлері мен ұсыныстарын тыңдады. Нұралхан Көшеров, өз сөзінде, Түркістан өңіріне қызмет ету – өзінің перзенттік парызы екенін атап өтіп, ел ағаларының тәжірибесіне сүйене отырып, облысты дамыту үшін бірлесе жұмыс істеуге шақырды.

  “Батаменен ел көгерер” деген халық даналығына сүйеніп, облыстың әлеуметтік жағдайын жақсартуға бірге атсалысуға шақырған әкім, мемлекет басшысының тапсырмаларын жоғары деңгейде орындауды және Түркістанды дамытуда ардагерлер мен зиялы қауымның тәжірибесін маңызды рөл атқаратындығын айтты.

  Кездесу соңында Еңбек ардагері Сексенбай Тұрысбекұлы басшыға бата беріп, алдағы жұмысына сәттілік тіледі. Жиынның қорытындысы салтанатты шараға жалғасты, онда көптеген келелі ойлар мен ұсыныстар айтылып, өңірдің болашағына үлкен үміт артылды. 
Тілші: Кенжебаева Гаухар Жақыпқызы